Lexoja këto ditë The Invisible Writing, një libër me kujtime nga Arthur Koestler, gazetar dhe shkrimtar hungarez (hebre, i shkolluar në Austri); libër që i kushtohet periudhës “sovjetike” të autorit, në fillim të viteve 1930.
Për ata që s’e njohin, Arthur Koestler-i njihet veçanërisht falë romanit Sonnenfinsternis (Darkness at Noon, ose Terr në mesditë), një nga veprat e para që ia zbuloi Perëndimit tmerrin e terrorit totalitar komunist dhe që i la mbresa të pashlyeshme deri edhe Orwell-it të 1984-ës.
