Herë pas here diskutojmë nëse është e nevojshme të vendosen, për poste të larta publike institucionale në Shqipëri, kuota të prejardhjes gjeografike ose të përkatësisë fetare.
Megjithatë, ndryshe nga diskutime të ngjashme për vendosjen e kuotave për përfaqësimin e grave ose të pakicave, diskutimet për kuotat e prejardhjes gjeografike dhe të përkatësisë fetare përcillen me një ndjenjë frike ose faji, thuase nuk e kanë vendin në forume serioze.
