KUR TË EMANCIPON TJETRI (VI)

Le të kthehemi, mendërisht, në fund të viteve 1980, ose në prag të kolapsit të Europës Lindore dhe fitores, relativisht të pagjak, të modelit Perëndimor (kapitalizëm + treg i lirë + demokraci) të zhvillimit ndaj atij Socialist.

Elitat e të gjitha llojeve, në Shqipëri, ishin bindur tashmë se sistemi i deriatëhershëm kishte dështuar; dhe se e vetmja rrugëdalje ishte afrimi me Perëndimin. Nëse kishte vonesa dhe ngurrime, këto kishin më tepër të bënin me përgatitjet e një pjese të elitave për të shpëtuar kokën ose, më mirë akoma, për ta mbajtur pushtetin edhe gjatë tranzicionit.

Read Full Post »

FASHION STATEMENT

Të gjithë do ta kenë vënë re se kryetari i AKZ-së, Kreshnik Spahiu, del rregullisht në publik i shoqëruar nga simbolet kombëtare, dhe pikërisht flamuri i Republikës Shqiptare.

Mirëpo AKZ-ja është një lëvizje që synon të shndërrohet në parti politike, dhe partia, sikurse e tregon fjala vetë, është shprehje e organizuar e vullnetit politik të një pjese të qytetarëve, përkundrejt vullnetit të ndryshëm ose të kundërt të një pjese tjetër.

Read Full Post »

NJË KOMB, NJË QËNDRIM

Ky është një nga ato slogane që tingëllojnë si të AKZ-së, por në të vërtetë, kërkimet e mia në Internet (e pranoj, fare të shpejta), nuk ma konfirmuan këtë.

Përkundrazi, e gjeta tani së fundi të thënë e të përsëritur, në dy fjalime të Berishës.

Më parë, në një fjalim përshëndetës, për çeljen e veprimtarive të 100-vjetorit të Pavarësisë, ku kryeministri shqiptar tha:

Në çdo rrethanë, çdo kohë e çdo furtunë qëndruam së bashku, thellë në zemrën në aspiratën e shqiptarëve qëndron parimi një komb një qëndrim. Asgjë nuk mund të ndajë dhe të copëtojë shpirtin e një kombi, trupin po, por shpirti është një i pandarë. Shpirti i një kombi është liria e tij dhe është e pandarë, ndaj lavdi Zotit ne vijmë sot të lirë në këtë sallë, sepse qëndruam së bashku [...]

Read Full Post »

PARTITOKRACIA KUNDËR

Nëse partitokracia ka të bëjë me patologjinë e veprimtarisë normale të partive, me hipertrofinë e tyre totalizuese, atëherë vëmendjen duhet ta drejtojmë fillimisht tek arsyet e degjenerimit të politikës.

Read Full Post »

KUNDËR PARTITOKRACISË

Çfarë i duhen qytetarit shqiptar partitë politike?

E formuluar kështu, kjo pyetje mund të tingëllojë absurde, sa kohë që sistemin politik ne e kemi modeluar sipas demokracive të tjera, perëndimore, në të cilat partitë politike luajnë rol të dorës së parë.

Do të më thonë: i duhen për të njëjtat arsye që u duhen demokracive të tjera.

Read Full Post »

STATUSI I POLITIKËS

Në një artikull me titull “Teshtimë prej kokëpalari,” botuar në ResPublica, ku trajton, mes të tjerash abuzimin me konceptin dhe idealin e demokracisë nga politika në Shqipëri dhe në Kosovë, autori Arbër Zaimi trajton edhe disa aspekte që kanë të bëjnë me vetë natyrën e politikës, të cilat më duket se meritojnë të diskutohen veçmas.

Read Full Post »

KUNDËR HOMOLOGIMIT

Shumë prej nesh e komentuan intervistën e fundit të ambasadorit të ShBA në Tiranë Arvizu, dhënë Zërit të Amerikës; dhe me të drejtë. Edhe pse z. Arvizu është para së gjithash diplomat dhe shumë herë është i detyruar të flasë me gjuhë diplomatike, fjala e tij dëgjohet si fjala e shtetit që ai përfaqëson, dhe pesha e ShBA në politikën shqiptare mbetet vendimtare.

Read Full Post »

ZELLI I FTOHTË I POLITIZIMIT

Sikurse mund të dihet tashmë, Konferenca gjuhësore për shqipen standard, që u zhvillua muajin e kaluar në Durrës, u perceptua nga disa palë si e politizuar, madje edhe për këtë arsye u bojkotua.

Edhe pa u shprehur botërisht, ka qarkulluar “nën banak” ideja se orvatjet për ndryshimin e standardit nuk janë veçse përpjekje të krahut kulturor geg, përkatësisht katolik ose katolikocentrik, tashmë të hipur në pushtet, për të ndryshuar çfarë shihet, prej këtij krahu, si monument ose relikt i një periudhe tjetër, kur raportet e forcave midis gegëve dhe toskëve, Veriut dhe Jugut, përkatësisht katolikëve dhe ortodoksëve shqiptarë ishin të tjera nga sot.

Read Full Post »

BOJKOT

Sikurse do ta keni marrë vesh, në Konferencën e fundit gjuhësore të Durrësit, të organizuar nga Qendra e Studimeve Albanologjike dhe Instituti i Gjuhësisë dhe i Letërsisë munguan një numër i madh gjuhëtarësh, albanologësh dhe dijetarësh të tjerë, të cilët do t’i kishin dhënë tjetër pamje dhe peshë debatit, sikur të kishin ardhur.

Read Full Post »

DHËNDURËT E PLURALIZMIT

Vende dhe kultura me tradita pluraliste, liberale dhe demokratike, e organizojnë debatin dhe në përgjithësi konfliktin politik rreth çështjeve të konsideruara si me rëndësi parësore për publikun, shtetin, institucionet, fatet e vendit, ekonominë, politikën e jashtme e kështu me radhë.

Read Full Post »

DYPËRMASIMI

Më bëri përshtypje, në komentet e këtushme për grevën e urisë në Tiranë, një shkëmbim mes Lyss-it dhe Pëshpëritësit: nisi si debat i zakonshëm politik, nga ata me të cilët na janë mësuar sytë dhe veshët kudo; por u shmang papritur në ujëra të qeta, sapo debatuesit mësuan, rastësisht, se ishin njëlloj të apasionuar pas pianistit dhe kompozitorit bashkëkohor Ludovico Einaudi.

Read Full Post »

SHIH E SHKRUAJ

Çfarë po ndodh me jetën politike në Tiranë nuk mund veçse të ndiqet si shfaqje – edhe pse nuk dihet sa janë përfshirë në këtë shfaqje aktorët vetë e sa u vënë mend suflerëve ose edhe reagimeve nga publiku në sallë.

Read Full Post »

GJUHË E KEQE

Në një shoqëri me pluralizëm politik normal, ose pjesë të kulturës politike, lufta e ashpër mes palëve dhe kompromisi ose marrëveshja janë dy anë të së njëjtës veprimtari politike, e cila ka në themele komunikimin.

Read Full Post »

LIGJI DHE KRAHINIZMI

Herë pas here diskutojmë nëse është e nevojshme të vendosen, për poste të larta publike institucionale në Shqipëri, kuota të prejardhjes gjeografike ose të përkatësisë fetare.

Megjithatë, ndryshe nga diskutime të ngjashme për vendosjen e kuotave për përfaqësimin e grave ose të pakicave, diskutimet për kuotat e prejardhjes gjeografike dhe të përkatësisë fetare përcillen me një ndjenjë frike ose faji, thuase nuk e kanë vendin në forume serioze.

Read Full Post »