DHJAMË NGA PLESHTI

Pak ditë më parë, duke folur për një çështje të mprehtë administrative, siç është teksti i Himnit kombëtar, kryeministri i Republikës së Shqipërisë Sali Berisha tha disa gjëra të çuditshme.

Read Full Post »

ENVER I VUEJTUN, APO SALI I KËNAQUN?

Qarkulluan këto ditë plot lajme dhe komente në mediat, për një vilë qeveritare në Vlorë, për të cilën qenka shpenzuar tej mase dhe që, me luksin e vet, dëshmon për babëzinë ose papërgjegjshmërinë e klasës në pushtet dhe të kryeministrit Berisha vetë.

Dje kish dalë edhe një veteran i PS-së, Sabit Brokaj, për t’i deklaruar Shqiptares se shpenzimet marramendëse të qeveritarëve të sotëm as mund të krahasohen me ato të sistemit të kaluar dhe se “Vila e Enverit ishte modeste.”

Read Full Post »

PAMJE TË TRADHTISË

Lexoj poshtë e lart se sekretari i grupit parlamentar socialist, Taulant Balla, akuzon kryeministrin Berisha për bashkëpunim me shërbimet e fshehta të ish-Jugosllavisë (UDB). Me këtë rast, ai ka botuar edhe një dokument praktikisht të palexueshëm në faqen e vet në Facebook, ku pas gjase përmendet një S. Berisha si aset i zbulimit jugosllav në Tiranën e vitit 1987.

Kjo akuzë është aq e rëndë, sa nuk mund të bëhet në Facebook, por vetëm në kanalet përkatëse (denoncim në prokurori, etj.); meqë vetë mënyra si është paraqitur e diskrediton, madje e zhyt në gjiriz. Për fat të keq, kryeministri Berisha është tani duke korrur çfarë ka mbjellë, meqë stilin e përbaltjes së kundërshtarit politik me akuza sa fantastike, aq edhe të përbindshme, askush tjetër nuk e ka përsosur si ai.

Read Full Post »

UJË I NDENJUR

Enver Robelli tek gazeta “Tema” kishte komentuar mbi ngjashmërinë e deklaratave të Sali Berishës në vitin 1997 në revistën “Spiegel” dhe atyre të Ministrisë së Jashtme së Shqipërisë mbi nismën e Vetëvendosjes për bllokimin e pikave doganore për mallrat serbe në datë 14 Janar 2012.

Më poshtë po japim intervistën e shkurtuar, me të vetmin ndryshim që problematikat janë aktualizuar. Përndryshe intervista është përshtatur në shqip siç është transmetuar nga Spiegel (http://www.spiegel.de/spiegel/print/d-8672181.html).

Read Full Post »

MJEKË, PACIENTË, POLITIKANË

Një mik më shkruante sot nga Tirana, për të më pyetur nëse kish ndonjë bazë thashethemi që qarkullon atje, se kryeministrin Berisha e paska kuruar, dikur në vitet 1980, im atë, Ulvi Vehbiu, për lipotimi.

S’është hera e parë që më vjen në vesh kjo fjalë, edhe pse më duhet ta pranoj se lipotimia tani më kap në befasi; zakonisht, njerëzit të thonë se Berisha “ka vuajtur nga nervat”, çfarë mjafton për të ta vënë diagnozën, sa i përket opinionit publik.

Read Full Post »

KOMPLOT NË GJIRIN E LALZIT

Në Tiranë gazetat kanë disa ditë që gumëzhojnë se ish-Zv/Ministri Ilir Meta është kërcënuar me jetë nëpërmjet një telefonate jashtë vendit.

Sipas gazetave një grup i Repartit të Ndërhyrjes së Shpejtë “RENEA” kanë disa ditë që gjenden në Gjirin e Lalzit për të mbrojtur z. Ilir Meta.

Ky lajm është përgënjeshtruar nga Policia e Shtetit, z. Ilir Meta dhe nga LSI. Vetë i “kërcënuari” u shpreh se këto janë histori për “summer page”(?).

Read Full Post »

A E DINIM SE…

Shteti në Shqipëri po kalon një krizë institucionale, me pasoja që do t’i ndihen për shumë muaj. Ndërkohë, nuk kam parë gjëkundi, në mediat e shkruara, asnjë konstitucionalist për bé që të shpjegojë se çfarë po ndodh dhe nëse ekzistojnë premisat për t’i konsideruar zhvillimet e tanishme ndër-institucionale si formë të një putsch-i të bardhë.

Read Full Post »

QITJE ME BRESHËRI

Gjatë konferencës së sotme për shtyp, kryeministri Berisha lëshoi një numër akuzash të rënda ndaj rivalëve të tij, krerëve të opozitës, krerëve të institucioneve të shtetit dhe qytetarëve të thjeshtë.

Kryeministri theksoi edhe një herë se qëllimi i protestës së datës 21 janar ka qenë të përmbysej me dhunë qeveria e ligjshme e kryesuar prej dhe të merrej në kontroll selia e Këshillit të Ministrave dhe, më pas, ndoshta edhe seli institucionesh të tjera qendrore. Këtë Berisha e quan putsch dhe si organizator të këtij putsch-i akuzon liderin e opozitës Edi Rama.

Read Full Post »

NGA NJË SHPJEGIM NË TJETRIN

Më duket me interes të përcjell, këtu më poshtë, mënyrën si e ka komentuar, shpjeguar dhe përligjur kryeministri Berisha refuzimin e policisë për të zbatuar urdhër-arrestet e lëshuara nga Prokuroria, ndaj disa komandantëve të Gardës së Republikës, në kuadrin e hetimeve për vrasjet me armë zjarri, gjatë protestave të 21 janarit në Tiranë.

Read Full Post »

COMMEDIA DELL’ARTE

Shfaqje më shumë e trishtuar, sesa e shëmtuar, e kryeministrit Berisha, në seancën e sotme të Parlamentit të transmetuar live në TV.

Duke komentuar për videon e bërë publike këtë javë, e cila po të rezultojë autentike, duhet normalisht të çojë në rrëzimin e qeverisë, kryeministri ia lejoi vetes një tiradë të paparë, të pabesueshme, në formë përçartjeje, kundër kryetarit të PS-së Rama.

Pasi e akuzoi këtë të fundit si autor të “montimit” të videos dhe të falsifikimit të saj, Berisha iu kthye sulmeve ad hominem ndaj kundërshtarit të tij, duke ia përmendur fotot lakuriqe në plazh dhe të tjera bëma të vjetra e të vjetruara.

Read Full Post »

BOOMERANGU MBI GJOL

Këto ditë mediat opozitare kanë bërë publike dy foto të kryeministrit të Shqipërisë Sali Berisha, në shoqëri intime të familjes së djalit të Enver Hoxhës, Sokolit.

Që mjeku kardiolog Berisha ka qenë një courtier i bllokut në ato vite, këtë gjithkush e di, me përjashtim të militantëve të PD-së; prandaj nuk them dot se fotot, të paktën mua, më habitën.

Shto këtu edhe që, në parim, unë jam kundër botimit të fotove private kundër dëshirës së pronarëve të tyre; por si gjithnjë në raste të tilla për mediat e Tiranës, burimi mbetet i panjohur.

Read Full Post »

E NISËM PËR TEMPULL…

Debatin e fundit në Parlament nuk e ndoqa dot drejtpërdrejt në TV, por lexova, sado me neveri, replikat e shkëmbyera mes deputetëve të PS-së dhe kryeministrit Berisha, me pjesëmarrjen e herëpashershme të kryetares së Parlamentit Topalli në kontrapunkt; të zbardhura me zell të pashoq nga mediat e shkruara.

Read Full Post »

GJENDJE CIVILE APO LUFTË KLASASH?

Shkruan Mustafa Nano, në Res Publica:

Berishës i rri mendja tek “Edvin Kristaq Rama”

E kanë vënë re që të gjithë, dhe një pjesë syresh e kanë nënvizuar: “Mú në pikun e shqetësimit nacional për përmbytjet në Shkodër, Sali Berisha ka gjetur kohë të merret me kreun e opozitës. Në mbledhjen e qeverisë, ai ka thënë pak a shumë, se ‘Edvin Kristaq Rama nuk mund të tallet me flamurin kombëtar, dhe se po të mos ishte kryetar i PS-së do ta kisha shkarkuar’”. E dini çfarë të bën përshtypje në këtë mes? Nuk harron as këtë herë t’i bëjë një emërtim rigorozisht anagrafik kreut të bashkisë, a thua se po lexonte regjistrin e gjendjes civile. Të paktën, këtë herë duhet ta harronte këtë gjë. Por jo, s’qënka e thënë. Për mua është i sëmurë. Por ju s’më besoni.

Kështu Nanoja, sipas të cilit mënyra si i drejtohet Berisha Ramës duhet kuptuar si simptomë e diçkaje që nuk shkon me kryeministrin shqiptar.

Read Full Post »