Posted in Histori, Media, tagged Dh. S. Shuteriqi, idiokracia, letrat e Skënderbeut, Princi i Tarantos, sensacionalizmi i mediave, Shqiptarja, Skënderbeu on June 5, 2012 | 3 Comments »
Disa ditë më parë, në faqen hyrëse të shqiptarja.com, ndesha në njoftimin ngazëllyes se suplementi “Rilindasi”, i gazetës Shqiptarja, po gatitej të botonte një letër të Skënderbeut të vitit 1460, drejtuar Princit të Tarantos, Johannes Antonius de Ursinis, me hyrje dhe komente prej studiuesit Dh. S. Shuteriqi.
Sipas njoftimit që jepte gazeta, kjo “letër e rrallë” e Skënderbeut, ky “dorëshkrim i rrallë i vitit 1460”, sillte “fakte befasuese” për lexuesin.
Posted in Histori, tagged Davidi dhe Goliathi, historiografia shqiptare, i vogli kundër të madhit, luftërat dhe territori, miti i Skënderbeut, narrativizimi i së kaluarës, Skënderbeu, Skënderbeu superhero, superheroi, ushtria osmane on February 3, 2012 | 25 Comments »
nga Doan Dani
Ingranazhet kryesore të mekanizmit të rezistencës skënderbejane janë tashmë një rutinë e memories thuajse për të gjithë shqiptarët, si rezultat i atij procesi socializimi të filluar në shek. XIX nga veprimtaria e elitave, të sistematizuar më vonë nga strukturat arsimore, që së bashku me familjen përbëjnë dy nga institucionet sociale më të rëndësishme me pushtet të jashtëzakonshëm në transmetimin dhe ngulitjen e roleve dhe sistemeve të vlerave. Në rastin konkret përçohet e kaluara, e standardizuar brenda kornizave nacional-romantike. Qëndresës mund t’i veçojmë karakteristikat dalluese të forcave pjesëmarrëse dhe tipologjinë e aksioneve: më saktë, Heroin kalorës që përballet suksesshëm me ushtri gjigande duke konsumuar përballjen e modelit guerrilas.
Posted in Histori, Kulturë, tagged Gjon Kastrioti, historiografia shqiptare, Ivan Kastrioti, nacionalizmi, romantizmi, Skënderbeu on December 1, 2011 | 13 Comments »
nga Doan Dani
Ndjeshmëria e lartë e aglomerateve shoqërore ballkanike ndaj kufijve identifikues, që në krahasim me ambientin aktual evropianoperëndimor mund të ngjasojë me një mutacion social ose me fosilet e shekullit të nacionalizmave, pa dyshim është rezultat i përpunimeve ideologjike të shtresëzuara si nga institucionet kulturore, fetare dhe politike, ashtu edhe nga rrethana të veçanta të cilat kanë ndikuar në kultivimin e izolimeve, ndjesive të përkatësisë dhe diferencimeve akoma më të dukshme.
Do të ishte i pambarueshëm një shtjellim i kufijndërtuesve tashmë tradicionalë, si etnia, gjuha, feja dhe kultura në kuptimin e përgjithshëm, po ashtu edhe elementet anësore të lidhura me ato, aq imtësisht të interpretuar nga vëmendja e Nicole Janigro në L’esplosione delle nazioni, për sa i përket realiteteve të ish-Jugosllavisë, ku, sa për ngjërim, vlen të kujtojmë se si një gjellë e thjeshtë i ndante kroatët nga serbët – jo të gjithë – duke e konsideruar tradhti përdorimin e recetës serbe dhe anasjelltas.
Posted in Histori, tagged familja e Skënderbeut, Gjergj Kastrioti, Gjon Kastrioti, Kisha Katolike, kisha ortodokse, Krishterimi në Ballkan, Kruja, Skënderbeu on October 4, 2011 | 17 Comments »
Mitet e mbështetura në rrejshmëri (fallacies) vijnë e bëhen të rrezikshme kur fillojnë të përdoren si premisa në arsyetimet, ose kur merren për të mirëqena.
Një mit i tillë, i vulgarizuar tej mase tani së fundi, është ai i Skënderbeut katolik, ose ushtar të Papës.
Në fakt, historianët ende nuk e kanë saktësuar dot se cilës fe i përkiste pikërisht Heroi ynë kombëtar; prandaj çdo përpjekje për të absolutizuar njërën hipotezë në dëm të së tjerave, do parë si formë uzurpimi kulturor dhe nuk duhet lënë pa u “ndëshkuar”.
Posted in Histori, Totalitarizëm, tagged Gjergj Kastrioti, Kristo Frashëri, liria e shprehjes, Oliver Jens Schmitt, Oliver Schmitt, revizionizmi historik, Schmitt, Skënderbeu on November 26, 2010 | 76 Comments »
Në librin e tij me titull Skënderbeu i shpërfytyruar – nga një historian zviceran dhe disa analistë shqiptarë (Botimet Dudaj, Tiranë 2009), akademiku dhe historiani i mirënjohur Kristo Frashëri polemizon gjatë me tezat e historianit Schmitt dhe qëndrimet e shprehura nga disa analistë johistorianë në mass mediat shqiptare, gjatë debateve që shoqëruan botimin e monografisë “Skënderbeu” të autorit zviceran.
Posted in Histori, tagged Arbëreshët, islami, krishterimi, ortodoksia, Skënderbeu on September 21, 2010 | 7 Comments »
nga Doan Dani
“Nuk kam lindur në Venecie, as në Breshia, por në një tjetër botë, thuajse nën një diell tjetër” shkruante Marin Beçikemi në Panegyricus serenissimo principi Leonardo Loredano [...] botuar në Venezia në 1506. Fragmenti i shkëputur nga humanisti shkodran qartëson të “pasionuarit” e sotëm rreth ekzistencës së një humnere mes vendlindjes së Beçikemit, pas rënies në sundimin osman, dhe vendit ku ai emigroi dhe vdiq.
Posted in Histori, Sociologji, tagged Alain Ducellier, liria, miti i Skënderbeut, revizionizmi historik, Skënderbeu on May 25, 2010 | 33 Comments »
Një lajmërim për një konferencë kombëtare për Skënderbeun – historinë dhe imazhin, që do të mbahet këto ditë në Durrës dhe një vështrim i shpejtë në programin e kësaj konference, më bëri të mendoj për tensionin e ripërtërirë midis dy konceptimeve madhore historiografike për Skënderbeun dhe luftrat e tij anti-osmane: kombëtarist dhe fetar.
Posted in Histori, tagged Bashkimi Sovjetik, Enver Hoxha, enverizmi, Oliver Schmitt, Skënderbeu on March 14, 2010 | 22 Comments »
Të gjithë e mbajmë mend sa fort u reagua, në mediat shqiptare, ndaj tezës së historianit Schmitt se Skënderbeu, në luftën e tij çerekshekullore kundër osmanëve, ishte motivuar nga dëshira për hakmarrje vetjake ndaj Sulltanit.
Posted in Antropologji, Histori, tagged Arbëreshët, miti i Skënderbeut, Skënderbeu on February 20, 2009 | 7 Comments »
Në literaturën mbi Skënderbeun merret zakonisht si e mirëqenë se kujtimi i tij, edhe pse mbeti shumë i zbehtë në trojet shqiptare në Ballkan, u ruajt mirë, përkundrazi, ndër arbëreshët e Italisë. Sot e kësaj dite kultura arbëreshe identifikohet fort me Skënderbeun.
Posted in Histori, Kulturë, tagged ideologjia kombëtare, polisemia e heroit, Skënderbeu on February 9, 2009 | 120 Comments »
Debati për librin e Schmitt-it në mediat deri më tash nuk ka pasur të bëjë shumë me historinë si degë e dijes; por vetëm me historinë si minierë për mitet dhe ideologjinë kombëtare të shqiptarëve. Vetë Schmitt-i është historian, por përfundimet, interpretimet dhe hipotezat e tij mund të shërbejnë për ta revizionuar ideologjinë kombëtare, ose atë pjesë të saj që lidhet drejtpërdrejt me figurën e Skënderbeut dhe rolin e tij në historinë e kombit shqiptar.
Posted in Histori, tagged miti i Skënderbeut, Oliver Schmitt, Skënderbeu on January 28, 2009 | 57 Comments »
Unë nuk jam historian; por as libri i Schmitt-it nuk u drejtohet vetëm historianëve. Si shqiptar, unë jam i interesuar të njoh të vërtetën për mesjetën arbërore; si njeri, dua të kuptoj më tepër arsyet që e nxitën dhe frymëzuan Skënderbeun t’i kundërvihej, për 25 vjet, superfuqisë më të madhe të kohës: Perandorisë Osmane.
Posted in Sociologji, tagged miti i Skënderbeut, Oliver Schmitt, Skënderbeu on January 28, 2009 | 10 Comments »
Dikur në fillim të viteve 1970, Ismail Kadareja botoi romanin Dimri i vetmisë së madhe, ku Shqipëria dhe bashkëkohësia e saj pikturoheshin me një paletë të paparë ngjyrash, tonesh dhe dritëhijesh. Aq u tronditën masat tona punonjëse nga ky roman, sa nuk mbeti tornitor e mjelëse e dalluar, në mbarë vendin, pa i shkruar letër “të madhit” e pa u ngritur në mbledhje, për të kërkuar ndalimin e veprës dhe dënimin e autorit, që kishte guxuar të hidhte baltë mbi realitetin socialist.
 | Xha Xhai on TË ARDHUR E TË IKUR |
 | Tjeter on TË ARDHUR E TË IKUR |
 | Relapso on Q |
| Xha Xhai on Q |
| Xha Xhai on TË ARDHUR E TË IKUR |
 | xhibi on TË ARDHUR E TË IKUR |
| Xha Xhai on Feja si majdanozi |
 | Nejona on Feja si majdanozi |
| Relapso on TË ARDHUR E TË IKUR |
 | ipare on TË ARDHUR E TË IKUR |
Shqipologji
